老鍋台式火鍋 (金馬倫道) (已結業)

同舊同事都有一段時間無見，難得今晚約到食飯佢話想去打邊爐咁就由佢揀餐廳，佢揀咗老鍋話同事食過唔錯😊老鍋秘製麻辣鍋:湯底以多種香料同藥材調製味道濃郁，湯底仲有唔少鴨血同凍豆腐，鴨血鮮嫩凍豆腐吸飽湯汁🤤特選手切牛肩肉:身為牛魔王當然要食牛🤗老鍋丸餃井字盤(蝦丸丶魚肉小湯包丶鮮蝦雲吞丶魚皮餃):蝦丸爽彈又脹卜卜！雲吞皮薄又滑，餡多好飽滿！鹽酥一口豆腐:豆腐炸到外脆內軟，薄薄嘅炸粉，食落口感好幼滑❤️三秒響鈴卷(半份):響鈴炸至金黃酥脆，打邊爐必食😍老鍋台灣面:台灣麵口感清爽彈牙，無論係配以老鍋自家調配醬汁做冷麵食定淥火鍋都一樣爽滑😚冬瓜茶(凍):冬瓜茶清甜又冰涼，清涼降火☺️