方叔叔重慶老火鍋 (PopCorn 2) (已結業)

尋日落咗一日雨，下午仲落到紅雨，襯黃昏雨停咗，就同朋友出街食吓飯，輕鬆吓。今晚去將軍澳嘅方叔叔食火煱，前身嗰間唔記得乜名嘅重慶火鍋，應該係同一間，只係改咗名。今次點咗鴛鴦煱，一邊係麻辣，另一邊係芫荽清湯，因為有朋友唔食辣。我哋一行5人，叫咗20樣食物，種類選擇都算多，亦因為有2位男士，我哋可以叫多幾款試吓。有啲比較少見嘅，例如有豆皮，毛肚，小水母，丸係鮮打，其中芫荽牛肉幾香。特別提提服務幾好，有禮貌，貼心得嚟唔會太熱情，食得開心嘅一晚。