影片
更多
2016-02-18
467 瀏覽
恆威商業大廈出名多cafe，之前都有黎食過幾間，貴既又有，難食既又有，次次fd話去食都中伏既，不過唔開名啦。但呢棟大廈就係選擇多，今日出開黎買嘢，毒友一條又唔想食米線更如毒，都係去下cafe度坐下，今次要自己揀去邊間！其實我都係Openrice見到呢度好多好評，就揀左呢度。一入到去，舖仔細細，得6張6人枱，仲有一位個樣有啲惡既店員？店主？(不過其實佢好nice，會笑，仲提我啲嘢食要撈均先)我睇左個menu成10mins都有，自問自己揀嘢食算快，但真係好多選擇。話明串燒咖啡，一定有串燒，張紙水蛇春咁多已經好多選擇。仲要有意粉，天使冷面，小食，all day breadfast，甜品，特飲，咖啡，沙冰，有酒精飲品，仲要係上述項目各至少4款，嘢飲都成10頁。最後終於揀左了，碟碟清哂，仲好飽好滿足。首先係雞中翼冷面($58+$12+$25)套餐，$12係煙三文魚沙律，$25係榛子咖啡。三文魚沙律幾好，沙律菜唔苦，三文魚唔腥無筋，其實我好中意食煙三文魚，食到好香煙熏味既三文魚真係好正！雞翼冷面係用天使面，大佬$58食到天使面真係好抵，仲要落足香草同芝麻醬，不過芝麻醬係底，大家睇唔到啲！哥哥提我要
但呢棟大廈就係選擇多，今日出開黎買嘢，毒友一條又唔想食米線更如毒，都係去下cafe度坐下，今次要自己揀去邊間！
其實我都係Openrice見到呢度好多好評，就揀左呢度。一入到去，舖仔細細，得6張6人枱，仲有一位個樣有啲惡既店員？店主？(不過其實佢好nice，會笑，仲提我啲嘢食要撈均先)
我睇左個menu成10mins都有，自問自己揀嘢食算快，但真係好多選擇。話明串燒咖啡，一定有串燒，張紙水蛇春咁多已經好多選擇。仲要有意粉，天使冷面，小食，all day breadfast，甜品，特飲，咖啡，沙冰，有酒精飲品，仲要係上述項目各至少4款，嘢飲都成10頁。最後終於揀左了，碟碟清哂，仲好飽好滿足。
首先係雞中翼冷面($58+$12+$25)套餐，$12係煙三文魚沙律，$25係榛子咖啡。三文魚沙律幾好，沙律菜唔苦，三文魚唔腥無筋，其實我好中意食煙三文魚，食到好香煙熏味既三文魚真係好正！
雞翼冷面係用天使面，大佬$58食到天使面真係好抵，仲要落足香草同芝麻醬，不過芝麻醬係底，大家睇唔到啲！哥哥提我要撈均先食，真係好正，天使面好爽，煮得啱啱好，雞翼先前有醃好，煎得好脆口。可以自己落檸汁，會fresh啲。我連人地伴碟既沙律菜都食埋，洗碟咁真係好癲。
燒金菇肥牛($25) 我叫左要加辣，佢好細心咁加左辣都附送一樽辣椒粉俾我。一上碟，聞到好香既孜然味，同埋辣粉既味，但食落唔係好辣，反而食到好多牛肉既汁，一啲都唔乾。之後果舊金菇肥牛我落左好多辣椒粉，辣啲更惹味！燒菠蘿($13) 連埋皮上，堅係成個新鮮菠蘿切出黎燒(我試過食到唔係新鮮菠蘿，好唔掂)所以呢個燒菠蘿好甜，無渣，哥哥好用心咁即叫即燒，幾好，食完燒菠蘿，成個感覺好清。
好！Cafe唔試咖啡點得呢，本身想叫特飲，最後都係叫左杯熱既榛子咖啡試下，mk既cafe黎講，杯咖啡比起想像中好，榛子味但唔會太甜，咖啡本身幾香，飲完之後有回甘，不過奶方面可以稍減。呢度環境幾舒服，幾靜，可能我係平日2-3點上黎，無乜人。呢度仲有一堆game，同fd黎都幾好。
P.S. 俾我發現呢度既小浪漫
張貼
