烏蠅館 (已搬遷) 新店位置

慕名而來，踏入第一步已經聞到陣陣四川美食嘅香氣撲鼻，已經知道佢係有料到！我係中午去嘅，主要售冒菜，即係類似麻辣燙或者車仔麵咁，揀下啲配菜然之後再選一個麵底，配菜有勁多選擇，揀八款菜都係$58，加$5可以有麵底，抵食到暈！我食咗肥牛、蟹柳、土豆、牛丸、紫菜etc，麵底就當然係必食嘅四川寬粉啦！最後揀埋個湯底 - 四川酸辣！第一啖放入口已經嘩咗一聲，因為實在太香太好食，湯底有大量酸菜同藤椒，非常突出同味道豐富，堅係好食！寬粉又係一大亮點，煙韌度啱啱好，perfect!