口麻天辣

營業中

休息中

新野黎，酸菜魚癮起食真係perfect，唔洗過關就食到，買定返屋企同老婆撐枱腳。個酸菜魚幾正，咸酸菜超多，夠酸夠香，辣辣地。魚肉結實又夠厚，個餐包個飯、小食同涼菜。小食似炸雞肉，好惹味。另外叫左個藤椒湯，唔辣，但香，可自選餸。鮮豆皮豆味重，好有豆漿味；牛柏葉、魚片頭、蓮藕片、寬粉，都勁夾個湯。配埋彩虹冰粉、同埋手打檸檬茶、紫米豆漿、麻辣牛腱，勁有家鄉風味。牛腱好腍有牛味，麻辣到剛剛好。唔算貴，外賣攞返屋企，一啲都冇倒瀉到，包裝仲好企理，下次可以再幫襯。