樂活煮意 (裝修中)

呢間開設係長者服務式住宿蔚盈軒地下既樂活主意，以健康有營為主題既餐廳，呢日就黎試左佢地既早餐時段。唔太確定佢地服務既對象係咪以樓上既住客為主，如果係，佢地既service style唔太適合老人家，都唔太配合餐廳命名同佢地既mission lor，服務員勁心急，亦都唔太理會客人行動上既需要，只係要求客人配合佢地想要既安排，比如同佢講BB係車仔瞓緊既，唔使BB車，佢就要你收起架車先可以入座，再同佢解釋時間仲早得兩三台客，最入邊有位，可唔可以唔收車坐最入就唔會影響到其他客人出入，佢先免為其難俾你入去。跟餐既熱飲勁熱，老人家觸感較弱，無為意大口大口飲，真係會燙傷佢地架！魚柳餐仲搞笑，件魚柳同塊薯餅真係硬到可以咬爛牙，老人家邊有咁好牙力咬咁硬既野呢？！最正式得個腸粉lor，唔油都無咩味...