寬窄巷子 (已結業)

第一次寫食評 哈哈今次試既係位於希慎既 "寬窄巷子" 主打川菜**以下文字與圖片順序**點左三樣野第一樣野緊係要試佢地既"四川擔擔面"啦。可惜的是不是如期中的味道 先講湯底 顏色紅紅的 飲落去得辣味 沒有應有既麻醬味 如果你係都要話有既 咁應該要係個口"朗"幾下先feel到 。 而面底亦係強差人意。 食過去係好"淋" 好似煮左好奈。煮過龍個隻款。 失望第二道菜係辣子雞。 亦係待應推介我地食既一道菜色。賣相真係幾好。急不及待食第一舊雞。發覺雞係冇味辣味的。 好似同辣椒搭台咁。小小辣比到唔到我。 最後朋友建議同辣椒一同吃 。不失為一個好方法 。雞既調味幾好而辣椒亦都ok脆口第三道係雞汁煎餃。我覺得係三道菜入面最好食的一道。因為佢夠熱。同埋賣相好cute 係有層"衣"係面 。而 咬落去明顯見到好多湯汁係餃入面。 味道亦不錯 。可以一試。間野另外係會有茶比你選擇 。 而我選擇了"人參綠茶". 杯野係冇味的 即係平時沖茶沖左三。四次的茶味 .叫左待應加左一次茶葉。 但。。。。。都係算吧啦。另外人參兩個字係多餘的。最後要講下間野既裝修 。真係幾靚 。因為咁先入左去食 好有中式既風格。 好鐘意佢門面