夏麵館 (荷里活廣場)

營業中

休息中

與其頻頻撲撲上大陸，有時我都會寧願留喺香港，瞓一個好覺，執吓間房再慢條斯理出去搵食😉 可惜值得回味嘅餐廳買少見少，而且價錢仲越嚟越貴😅 打正旗號$38一個下午茶餐，都只不過係餐廳嘅宣傳伎倆😅 餐牌裏面嘅項目平均都要五六十蚊以上，要加蟹粉嘅就當然唔止呢個價啦😅坦白講… #小秘書 每次過嚟幫襯 #夏麵館 ，其實都只不過係為咗跟餐嗰四隻 #小籠包， 一啖咬落去滿口湯汁，熱到辣口感覺都幾爽㗎😉 不過原來餐廳下午茶餐牌改過嚟，跟餐嘅 #小籠包 不再😅 淨抵嘅都變成糖水/熱湯😅😅 唯一可以接受嘅 #生煎包 都話無貨… 失望🙂‍↕️唯有跟大隊，要咗個 #豬扒擔擔麵 跟#豆漿🤪 碗麵其實都唔平㗎，不過口味認真麻麻😅 中辣嘅 #擔擔麵 完全冇辣味，塊豬扒又薄又乾😅 最唔明白係點解 #下午茶時段，喺毫無服務下都要加茶錢同10%服務費‼️成件事真係有啲離地囉🤪夏麵館 (鑽石山)龍蟠街3號荷里活廣場1樓173A號舖