齊柏林熱狗店 (灣仔道) (已結業)

之前已經食過一次黃到金💛💛嘅齊柏林熱狗店，今次再嚟呢間灣仔分店就試咗佢最招牌嘅火炙芝士辣肉醬熱狗，加$12就可以轉套餐，可以揀2款小食／飲品，午餐嚟講抵食又飽肚。火炙芝士辣肉醬熱狗（芝士、辣肉醬、生洋蔥、黃芥末、荷蘭腸）（+牛油粟米及冰菠蘿）齋睇啲配料都覺得豐富😻，呢一款嘅芝士係用大量芝士碎🧀灑上面，食個陣芝士溶溶地都幾正，好鍾意入面嘅辣肉醬加生洋蔥加黃芥末嘅配搭，3種唔同辣味夾埋一齊，有3種層次，微辣又惹味，個包都幾鬆軟，加埋有牛油同香草香味嘅粟米同冰菠蘿就係一個少少邪惡又滿足嘅一餐喇～🥰🥰人均消費：$40推介指數（10分為滿分）：8.5分