茶木‧台式休閒餐廳 (黃埔天地)

營業中

休息中

平日嘅晚上，同朋友去左黃埔一帶覓食，黃埔不嬲都多野食。我地最後去左茶木。 茶木有好多分店，呢間咁啱又就腳。我地兩個人叫左幾樣野share。Teawood紅燒牛肉麵主打係有原因牛肉三大件，夠入味，但唔會過鹹，肉質都幾嫰滑，食落有咬口但唔會覺韌。配料紅白蘿蔔入哂味，吸哂湯汁嘅精華。麵質煙韌闊身，有一定嘅厚度，好食！路邊攤小食，有甜不辣，鹽酥雞扒，同肉丸。鹽酥雞扒外脆內嫰，厚度啱啱好，肉質唔會太實，帶微微蒜香。肉丸味道唔錯，中間肉餡有肉汁。甜不辣味道唔錯，食落唔會只得甜味。鳳梨鮮果甜酸肉配肉燥飯，份量都幾大份。鳳梨鮮果落足料，鳳梨新鮮又香甜，酸酸地好開胃，仲有其他生果，草莓，火龍果等等。甜酸肉有走過油，表皮香脆。肉質唔會太瘦或者太肥。肉燥飯足足一碗，同朋友食到飽飽。飲品朋友叫左凍黑糖奶茶，朋友鐘意飲甜既覺得可以多d黑糖，唔係特別好甜嘅我唸就啱啱好。我就試左 凍木柵鐵觀音奶茶+珍珠，木柵鐵觀音奶茶雖然冇得走甜，不過我覺味道啱啱好。木柵鐵觀音茶茶味好出，而且同奶夾得好好，奶茶幼滑，推薦！珍珠量好多，飲到底仲有唔少。整體味道唔錯，選擇都多，唔同地區仲有唔同分店，方便就腳。