吉祥日本料理 (已結業)

呢排天氣有啲熱，無咩胃口，食壽司就最好，一啖一件！👘去到黃埔呢間日本料理，主打日本空運到港魚生，除咗單點刺身、壽司、天婦羅、串燒，🍱套餐都有平有貴，定食最平一百蚊，貴嘅有廚師發辦，豐儉由人。🤗今次叫咗中價位嘅特選壽司，$278自選12件，睇落都比較啱食！特選壽司整體上都幾新鮮😋，上面嘅魚生厚薄都OK，飯size都適中。🐟當中最中鍾意吞拿魚腩壽司，入口即溶，而北海道海膽軍艦都鮮甜細滑，夠肥美！🔥3款火炙壽司：三文魚腩、帆立貝同左口魚邊都燒得剛好有少少焦香更易入口！平時少食嘅鮫鰈同真鯛都掃咗醬汁，甜甜香香有意外驚喜，前者油脂豐富，後者爽身有口感。另外，仲食咗三文魚腩壽司、油甘魚壽司、帆立貝壽司、蟹肉蟹膏軍艦🦀同蔥軍吞拿魚蓉軍艦，每件都好食！🍶一次過食晒12件真係好飽飽！