侍元

營業中

休息中

黃大仙食日式拉麵嘅地方好似唔多，呢間最近開嘅侍元可以為鍾意食拉麵嘅我提供多一個選擇。今晚我第一次去，餐廳係自助形式，搵到位之後出去叫嘢食。每個食客都有自己一套即棄餐具，既方便又衛生。我叫咗黑武士東京風黑蒜油醬油湯拉麵，拉麵湯底味道濃厚，醬油味好重，食落去啖啖都充滿黑蒜味。配料有流心蛋同粟米，仲有大塊叉燒。流心蛋浸咗湯之後有小小醬油味，粟米就好夠甜。拉麵麵身小小偏軟。加錢叫咗個炸雞翼，炸到外脆內嫩，仲好juicy ，食到舐舐脷。套餐仲有杯飲品，我叫咗檸檬茶。加埋70蚊左右，非常之抵食。