星怡

營業中

休息中

今日約咗朋友仔去試下黃大仙既星加坡菜，OpenRice 望落好似唔錯，朋友喜歡食濃口味。海鮮釀油條油條炸到脆卜卜，中間似係釀蝦膠，外脆內軟好滋味。新加坡咖喱牛腩飯咖喱味好香濃，而且唔太辣，牛腩炆到好淋，配上軟軟既咖喱薯仔，好開胃又好餸飯。手抓餅用佢黎配食上面既咖哩汁好正，佢好香脆又酥軟，份量大。乾炒馬來蝦麵好有鑊氣又勁多配料，除咗蝦之外，仲有魷魚同埋加咗蛋等等去炒，味道濃郁，好有星馬嘅味道。新加坡胡椒肉骨茶胡椒味好重，鍾意濃胡椒味嘅朋友就啱晒，豬肉都好嫩口，好適合依家呢種涼涼地既天氣去飲，飲完暖笠笠。