星怡

營業中

休息中

黃大仙的星馬風味星怡現崇山分店，店面空間好闊，分室內室外兩個部分而且都有大電視，室外可以食煙，我哋揀左坐室內，室內環境明亮，牆身大圓柱痴咗水母圖，就咁望過去仲以為系海底世界嘅大魚缸，藍色海洋風，很有特色。烤魔鬼魚，出面好少有魔鬼魚食，見到呢度有，即刻要試吓，魔鬼魚肉質嫩滑，口感Q彈，烤咗既魚軟骨都可以食埋，魚肉香口，充滿豐富骨膠原。炒貴刁，又名炒粿條，大大一碟，擺盤靚，粉條、有大蝦仁、雞蛋絲、芽菜。黑醬油炒，十分惹味。炸蝦棒，一碟6枝，好大枝蝦，金黃酥脆，好香口。皮蛋腰果沙律，腰果同皮蛋好夾，酸酸咪咪十分開胃。