影片
更多
2022-11-07
299 瀏覽
唔係黃就大曬 食物質素對得住香港人？行到少少肚餓諗住去厚福街搵野食 經過呢間餐廳見到話守護小店就入去試下同朋友叫咗2個極上芝士海膽沾麵 $179上檯視覺效果係OK㗎,影完相一食就知中曬伏！個麵係凍同結實,用筷子叉開佢都叉唔到,一舊舊痴實曬🫠麵質都係硬,放埋D麵條入個湯都一樣硬,分別只係由凍變熱🙂之後試下個海膽,見隔離都係大約一板4-5舊海膽,哇真係唔知食咗D咩,又話日本直送但係超級苦超級澀,要攞杯茶沖下陣苦味,以為係我個板係咁,原來朋友個板都一樣,成個餐咁嘅質素$179,值唔值呢？買單嗰時先見到熱茶原來要+$5, 食嗰時周圍都冇見到要收檯面杯茶錢☺️淨係見到話用佢D紙巾要收錢🙂呢間餐廳真係唔係黃店就大曬,唔好諗住靠立場黎R客,好多人可能諗住支持下小店,但係就食埋D咁嘅質素仲要連加一俾咗三百幾四百, 唯一好嘅地方係冷氣夠大,但係食物質素咁樣值唔值得客人支持呢？相信香港仲有更加多好味又高質嘅小店～🫡
行到少少肚餓諗住去厚福街搵野食 經過呢間餐廳見到話守護小店就入去試下
同朋友叫咗2個極上芝士海膽沾麵 $179
上檯視覺效果係OK㗎,影完相一食就知中曬伏！個麵係凍同結實,用筷子叉開佢都叉唔到,一舊舊痴實曬🫠麵質都係硬,放埋D麵條入個湯都一樣硬,分別只係由凍變熱🙂之後試下個海膽,見隔離都係大約一板4-5舊海膽,哇真係唔知食咗D咩,又話日本直送但係超級苦超級澀,要攞杯茶沖下陣苦味,以為係我個板係咁,原來朋友個板都一樣,成個餐咁嘅質素$179,值唔值呢？
買單嗰時先見到熱茶原來要+$5, 食嗰時周圍都冇見到要收檯面杯茶錢☺️淨係見到話用佢D紙巾要收錢🙂
呢間餐廳真係唔係黃店就大曬,唔好諗住靠立場黎R客,好多人可能諗住支持下小店,但係就食埋D咁嘅質素仲要連加一俾咗三百幾四百, 唯一好嘅地方係冷氣夠大,但係食物質素咁樣值唔值得客人支持呢？相信香港仲有更加多好味又高質嘅小店～🫡
張貼