Bread and Bistro (已結業)

收工嚟到黃竹坑既One Island South樓下食個日式西餐，除左Menu上既食物之外，亦有預先整好左既牛角包、panini、冬甩及muffin等，啱哂附近office既人朝早返工前買個快餐食。日式咖喱配流心芝士漢堡，溫泉蛋漢堡扒既中間充滿流心芝士，香味好濃郁，配埋甜咖喱同埋溫泉蛋，味道夠哂豐富。自家製黑松露醬野菌意粉蘑菇既份量非常多，幾乎每一啖都會食到，仲帶有淡淡既黑松露味道，好唔錯。Tiramisu with Witch Fingers萬聖節限定既甜品，見到賣相咁靚既甜品真係好開心！巫婆手指餅好搶fo，咬落既口感有啲似shortbread。Tiramisu方面，每一層既口感都好有驚喜，大大力推！招牌水果茶有熱情果、香橙同埋青蘋果，幾鐘意呢杯水果茶唔會太甜，又飲到紅茶本身既澀味。士多啤梨雪糕沙冰士多啤梨味都幾突出，個味又唔會太假，幾冰凍creamy。