Bread and Bistro (已結業)

除咗去海洋公園， 好少有機會去黃竹坑， 咁啱有朋友喺附近醫院生bb， 去探訪之後就順便周圍行下搵下食， 以前嘅工業區減慢慢發展成餐廳。見到呢一間cafe 餐廳《Bread & Bistro 》 入座率都好高，野食又好似唔錯， 就入去食個lunch。餐廳都有唔同款式嘅食物，沙律， 熱食，all day breakfast ， 甜品等應有盡有。呢一個《日式咖哩配吉列豬扒炒蛋烏冬》 裏面塊吉列豬扒絕對令人有驚喜， 用咗厚切嘅豬扒， 咬落去juicy 多汁， 一啲都唔會鞋口， 而且外層嘅吉烈亦都唔會太厚。 滑蛋夠滑又有蛋香， 咖哩汁帶有日式咖哩嘅微甜， 大人細路都鍾意。另外嘅《all day breakfast》原味pancake配牛油果三文魚， pancake都幾鬆軟， 鹹香嘅煙三文魚， 配上開胃嘅牛油果醬， 健康又好味。 另外又有滑蛋同埋樹薯角， 夠曬大大份。另外嘅巴洛克芝士蛋糕， 上層嘅芝士香口， 選擇咗芋頭蓉版本， 甜度剛剛好，讚。整體而言質素不錯， 環境對住球場都算開揚， 難怪得到居住 在附近的朋友青睞啦。