影片
更多
2023-02-12
2176 瀏覽
今日要去黃竹坑醫院探病，順便去Bread and Bistro食午餐，Bread and Bistro當然唔止得麵包，呢一間cafe仲有全日早餐，沙律，冷烏冬，冲繩特式塔可飯，咖哩，pizza，湯飯，拉麵，湯烏冬，意粉，飯，兒童餐，飲品，同甜品。重點係有我鍾意既梳乎厘班戟！！！星期日1點9到都要等幾張枱，好旺場！好彩最後都係等左20分鐘左右。今日每人叫左個主食再加一份梳乎厘班戟分享。日式原條鰻魚飯配炒蛋 $158 另加一果然係大大條鰻魚，肉質好彈牙，味道又夠鰻魚汁，正。鰻魚面頭灑滿黑白芝麻粒，仲有蔥花，都有兩片脆口黃色蘿蔔漬物。鰻魚下底就係一大片滑蛋蓋住白飯，再加上豐富醬汁，食落都夠味，蛋配飯食都唔錯。吞拿魚牛油果冷烏冬 $158 另加一吞拿魚牛油果冷烏冬面頭有4片外熟內生既吞拿魚，質感非常好，好嫩口，味道帶少少黑椒既辣。吞拿魚下底原來係幼身冷烏冬，食落煙煙韌韌中帶爽口青瓜絲同滑溜牛油果蓉，口感特別。伴碟有好多羽衣甘藍同生菜，仲有一粒車厘茄同檸檬塊。可選意式醋汁或者和風芝麻醬，我地揀左後者，餐廳體貼地另上，加沙律食實在係太好味同邪惡。時令水果梳乎厘班戟 $128 另加一上次試過呢度既梳
星期日1點9到都要等幾張枱，好旺場！好彩最後都係等左20分鐘左右。今日每人叫左個主食再加一份梳乎厘班戟分享。
日式原條鰻魚飯配炒蛋 $158 另加一
果然係大大條鰻魚，肉質好彈牙，味道又夠鰻魚汁，正。鰻魚面頭灑滿黑白芝麻粒，仲有蔥花，都有兩片脆口黃色蘿蔔漬物。鰻魚下底就係一大片滑蛋蓋住白飯，再加上豐富醬汁，食落都夠味，蛋配飯食都唔錯。
吞拿魚牛油果冷烏冬 $158 另加一
吞拿魚牛油果冷烏冬面頭有4片外熟內生既吞拿魚，質感非常好，好嫩口，味道帶少少黑椒既辣。吞拿魚下底原來係幼身冷烏冬，食落煙煙韌韌中帶爽口青瓜絲同滑溜牛油果蓉，口感特別。伴碟有好多羽衣甘藍同生菜，仲有一粒車厘茄同檸檬塊。可選意式醋汁或者和風芝麻醬，我地揀左後者，餐廳體貼地另上，加沙律食實在係太好味同邪惡。
時令水果梳乎厘班戟 $128 另加一
時令水果梳乎厘班戟
$128
23 瀏覽
0 讚好
0 留言
上次試過呢度既梳乎厘班戟，今日絕對係為左佢而黎。梳乎厘班戟製作時間35分鐘。一落單我地就叫服務員可以起，剛剛好食完主菜就有得食。
時令水果梳乎厘班戟
$128
46 瀏覽
0 讚好
0 留言
時令水果梳乎厘班戟同上次一樣，三件梳乎厘班戟非常大件，隱隱聞到蛋香，食落果然非常之有空氣感，水準不俗！伴有非常香滑忌廉，送班戟食真係一流。鮮果有士多啤梨，藍莓同奇異果。班戟上面灑上糖霜，其他醬料仲有士多啤梨果醬同一兜蜜糖。
時令水果梳乎厘班戟
$128
389 瀏覽
0 讚好
0 留言
加一球意式雪糕加$20，有雲呢拿同朱古力味，今次揀左朱古力味。濃味雪糕配蛋香班戟真係好味道。
呢份時令水果梳乎厘班戟份量大，味道高質，而且唔洗排長龍，價錢都唔算貴，值得為左佢而黎。
下次又黎食梳乎厘班戟先！
張貼
