Villa Villa (已結業)

大角咀都幾多野食，剛好經過呢間轉角位嘅呢間Villa Villa，門面幾靚，行去望望個餐牌，都幾抵食，最重要見到個咸蛋黃薯條，正呀，二話不說拉住老公入去呀🤣餐廳入面好光猛，四周掛左食物嘅相片，座位舒適又乾淨。我地叫左2個主食，1個小食同1杯飲品，份量都幾多，2個人食唔晒。如果三五知己黎聚會就岩晒。水果茶，水果有橙，菠蘿，士多啤梨同火龍果，水果新鮮，茶味幾香，唔會太甜。水果切到細細件，方便食。咁熱既天時叫左杯咁正嘅水果茶，不失為一杯解渴既野飲。大阪燒薄餅係墨汁薄餅底，係依到嘅自家研發手工招牌菜。8大塊嘅墨汁餅底，皮薄鬆脆可口，上面鋪滿大量芝士，香濃軟滑。大阪燒薄餅主要同大阪燒一樣，放大量木魚絲同配上日式醬料，味道唔錯。個pizza都幾大塊👍黃金炒薯條，原來係呢度嘅必點菜式，入黎villa villa食都係為左試呢個薯條😍。每條薯條都沾有咸蛋黃，咸蛋味很香很濃，薯條外皮鬆脆香口，雖然好邪惡，但實在令人忍唔住一條接住一條食，完全停不了口。自家製特選美國牛肉漢堡，麵包夠軟，唔會口或者太淋。牛肉漢堡夠鬆，夠juicy，不會死實實，配上荷包蛋，令牛味唔會單調，牛嘅油香同蛋黃混和，味道同層次更豐富