影片
更多
2023-12-12
140 瀏覽
每年時近年尾，巿面上山就開始湧現各大名師嘅運程書，我亦都開始忙，因為多人嚟問來年運程，今次哩位妹妹，搵我問事已經連續三年，由於佢話想食完飯行吓尖東睇燈飾，尖沙咀幫襯開幾間有水準嘅餐廳，Amitie Kitchen 係其中一間，於是再去幫襯.係樓下食煙期間，見到佢個招牌寫明廚師係酒店任職多年，唔怪之得水準唔差啦!上到去人客妹妹已坐低等我，連menu都睇完揀好食D咩，由於佢請客，相信我都唔應該意見多多，於是食D咩由佢話事.點咗一個 Dinner set，香煎北海道帆立貝伴蟹膏意大利飯，姐酒燉牛肩肉伴薯蓉，佢驚我食唔飽，再點多一份美式黃金蟹餅.每次食牛肩肉總係口感偏實，今次嘅燉牛肩肉鬆軟得多，薯蓉要俾另一讚，因為極香滑!北海道帆立貝伴蟹膏意大利飯用上原隻帆立貝，大大隻無切開，入口啖啖肉又夠鮮甜，意大利飯夠軟糯，夠哂意大利風味.單單睇個菜名，黃金蟹餅估計係將蟹拆肉，再煎成圓餅態，下層再沾滿鹹蛋黃吧，原來係直接將成個鹹蛋黃放上蟹餅上炸，成個蟹餅全部都係蟹肉，而且蟹肉幼滑又鮮甜，哩個蟹餅好味又滿份.之後人客妹妹爆料，原來佢上過D什麼興趣班想話學吓D紫微斗數，點知個老師完全唔掂，第一堂完全講廢話，之
係樓下食煙期間，見到佢個招牌寫明廚師係酒店任職多年，唔怪之得水準唔差啦!
上到去人客妹妹已坐低等我，連menu都睇完揀好食D咩，由於佢請客，相信我都唔應該意見多多，於是食D咩由佢話事.
點咗一個 Dinner set，香煎北海道帆立貝伴蟹膏意大利飯，姐酒燉牛肩肉伴薯蓉，佢驚我食唔飽，再點多一份美式黃金蟹餅.
每次食牛肩肉總係口感偏實，今次嘅燉牛肩肉鬆軟得多，薯蓉要俾另一讚，因為極香滑!
北海道帆立貝伴蟹膏意大利飯用上原隻帆立貝，大大隻無切開，入口啖啖肉又夠鮮甜，意大利飯夠軟糯，夠哂意大利風味.
單單睇個菜名，黃金蟹餅估計係將蟹拆肉，再煎成圓餅態，下層再沾滿鹹蛋黃吧，原來係直接將成個鹹蛋黃放上蟹餅上炸，成個蟹餅全部都係蟹肉，而且蟹肉幼滑又鮮甜，哩個蟹餅好味又滿份.
之後人客妹妹爆料，原來佢上過D什麼興趣班想話學吓D紫微斗數，點知個老師完全唔掂，第一堂完全講廢話，之後將D資料簡單複雜化!
我話.... 簡單複雜化先被人感覺似師傅嘛....
張貼
