自家製韓國刀削麵 (駱克道)

營業中

休息中

印象中記得李家係好初期黎香港的韓國餐廳，以前D oppa餐廳無咁花巧，而李家令我最不能忘記的一定係炸雞，果陣真係會因為韓戲煲上腦，走黎炸雞配啤酒架！李家集團旗下餐廳「自家製韓國刀削麵」近年開左，又比大家多個choice! 一直都想黎試，今日終於sell到朋友陪我黎！呢個月都仲天寒地凍，食返個熱湯暖下胃好似仲有feel！先黎辣海鮮湯麵 ($128) ，價錢就真係唔平，勝在料都算多，都叫無咁唔順氣，味道就辣辣地，預期中一樣無乜太大驚喜；餐廳供應的刀削麵都係自家製，好多人推薦的花蛤刀削麵（$78），呢個我覺得反而有特式好多，花蛤好多，個湯又清甜，價錢都算合理，而係呢度最有feel一定係比你從個玻璃窗到望到oppa廚整野比你食，哈哈。講完好處就要講下壞處，呢到D店員就真係無乜禮貌，好似好催住你食同走咁，而且座位唔好坐，打橫一排過，同隔離唔識D食客好似圖書館一樣坐，只能快食快走，所以光顧一次試過就已足夠。