友飯食 (已結業)

雖然我住新界東，但甚少黎火炭，不過早排幫個fd上佢屋企睇一睇啲裝修野，所以就順便攪完一齊黎食個tea先閃人。食完比我感覺啲野食係平靚正👍我地一人一份tea set::::魚柳包跟凍檸水，西多士跟可樂。魚柳炸得勁脆，個炸粉唔會太厚，用嘅果款魚係好滑嫩，亦都自帶脂香。長形芝麻潛艇包帶鹹香味，暖暖地又帶少少脆面。西多士痴線地好食👍👍😍超級之香，同埋都係脆口。中間花生餡份量恰好。真心無得彈呀！！下午茶餐有包野飲，所以勁抵食。我諗我之後都會選擇過黎呢邊食tea~~見到仲有個王牌焗飯，睇個樣都覺得真心正，下次就揀呢個😆