一寿司 (已結業)

黑夜壽司提早6點就開始半價，本來諗住食爭鮮，見佢半價後應該同爭鮮差唔多價錢，就去左食!每人最少消費要90蚊，我地就比平時叫多左嘢食， 不過小食冇半價!海膽，比較深色，諗住唔好食同苦，點知都幾好味!雞軟骨就好多油! 帆立貝好大，鮮甜! 美人魚好味，有大大隻甜蝦加三文魚，絕配!其他壽司正常，冇咩咁特別!仲有，如果你係會員仲會送你2塊三文魚刺身!可以立即download apps就得!如果同爭鮮差唔多價錢，我提議食呢間，一來坐得好d, 二來餐廳好多坐位，唔洗點等位!