影片
更多
2024-03-16
78 瀏覽
話晒今日都係帶母親黎事隔已久嘅港島一日遊，晚餐又點可以馬虎。今日就嚟咗上環嘅呢一間「鏘鐵板燒日式料理」，設計充滿現代感，行日式黑暗風。店員安排咗我哋坐喺吧枱，可以直擊住師傅整嘅每一樣菜式，師傅亦都好好，好詳細咁樣介紹每一道菜嘅烹調特色同埋食用方法，仲會好有耐性咁解答我母親奇怪嘅問題🤣。我哋今次選擇咗澳洲鮑魚二人前套餐。前菜係用青瓜包住咗蟹肉，面頭用三文魚作配襯嘅卷物，擺盤超靚，而且味道好精緻。而主菜方面，就係來自南非嘅鮑魚，佢嘅size超級巨型，差唔多好似我手掌咁大。師傅用咗三種不同嘅方法嚟設計鮑魚嘅菜式，分別係切薄片加鮑魚肝同忌廉、XO醬炒鮑魚頭同尾兩個部份同青檸汁鮑魚裙邊三個煮法，每一個食法感覺都能夠帶出鮑魚唔同部位特別嘅口感，讚啊🩵金鯛立鱗燒你味菜係用咗鯛魚加魚湯同海膽混合而成，師傅特意喺鐵板章魚皮整脆，加上魚肉嘅嫩滑，口感好有層次。而且配上清新嘅竹筍，感覺唔會過油，但係又好濃郁。季節海鮮蟶子聖子果然係當季新鮮嘅海鮮，一入口已經俾佢嗰一陣清新爽脆嘅口感吸引咗，而且師傅採用咗炒嘅方式嚟烹調，將聖子嘅汁鎖住咗喺裏面🩵清酒煮蜆佢嘅蜆肉非常新鮮，師傅仲同我哋介紹點樣先為之新鮮嘅蜆肉，配上
我哋今次選擇咗澳洲鮑魚二人前套餐。
前菜係用青瓜包住咗蟹肉，面頭用三文魚作配襯嘅卷物，擺盤超靚，而且味道好精緻。
而主菜方面，就係來自南非嘅鮑魚，佢嘅size超級巨型，差唔多好似我手掌咁大。師傅用咗三種不同嘅方法嚟設計鮑魚嘅菜式，分別係切薄片加鮑魚肝同忌廉、XO醬炒鮑魚頭同尾兩個部份同青檸汁鮑魚裙邊三個煮法，每一個食法感覺都能夠帶出鮑魚唔同部位特別嘅口感，讚啊🩵
金鯛立鱗燒
你味菜係用咗鯛魚加魚湯同海膽混合而成，師傅特意喺鐵板章魚皮整脆，加上魚肉嘅嫩滑，口感好有層次。而且配上清新嘅竹筍，感覺唔會過油，但係又好濃郁。
季節海鮮蟶子
聖子果然係當季新鮮嘅海鮮，一入口已經俾佢嗰一陣清新爽脆嘅口感吸引咗，而且師傅採用咗炒嘅方式嚟烹調，將聖子嘅汁鎖住咗喺裏面🩵
清酒煮蜆
佢嘅蜆肉非常新鮮，師傅仲同我哋介紹點樣先為之新鮮嘅蜆肉，配上清酒嘅味道，更加將蜆肉嘅鮮甜更上一層樓。而且因為喺鐵板上面烹調，師傅仲特意整咗一個錫紙碗，好特別☺️
和牛西冷厚切/薄燒
喺肉方面，係可以喺套餐度選擇，今日我哋就食厚切牛肉，配上啱啱新鮮烹調好嘅炸蒜，口感一流。而薄燒方面，師傅就加入咗蔥同炸蒜喺肉片入邊，所以口感非常特別。
除咗主菜之外，套餐仲包埋炒飯，師傅係用咗黃牛嘅油，加上雞蛋蔥等烹調而成，配埋龍蝦麵豉湯同植物，感覺好圓滿☺️🫰🏻。最後當然唔少得甜品，師傅就整咗一個焦糖多士，配埋益力多刨冰，飽到傻咗🤣。
張貼
