胡爐 (已結業)

冬天凍冰冰，入冬想暖笠笠，最岩就係約埋班FRIEND一齊打邊爐～今次黎到尖沙咀胡爐，之前一直都係放題，原來而家已經改返單點火鍋，湯底、配料都好多選擇，正!羊腩煲補身一流，一於試下先～羊腩炆得夠入味，好軟嫩，味道香濃，配埋爽滑枝竹、馬蹄等，再點埋惹味腐乳醬，味道唔錯！之後加湯就可以轉打邊爐手切頂級安格斯肥牛油花滿均勻，肉質相當豐滿，入口鮮嫩多汁，牛味濃厚。黑松露墨魚丸手打丸口感爽滑又彈牙，咬落充滿黑松露香，正。最後追加左個小食：香荽涼拌魷魚頭魷魚頭煙韌有嚼勁，配以香荽特別清香。