老爺冰室 (已結業)

朋友帶我試呢一間位於深水埗的茶餐廳，我心諗咪督係一間普通茶記，仲要深水埗區，不過試完之後竟然有驚喜。我地兩個人早餐時間幫襯，一個叫咗最傳統嘅雪菜肉絲米，另一個就叫咗個黑松露炒蛋厚多士。先講個雪菜肉絲米，整體味道又真係比一般食到嘅高，尤其是係個雪菜，個味道醃得幾好，有香味兼唔太鹹，肉絲嘅肉質都OK。至於個黑松露炒蛋厚多士真係有驚喜，黑松露無乜電油味，而更重要嘅就係個炒蛋嘅蛋汁無搞濕件厚多士，如果濕咗就會搞到件多士淋晒，到時仲點食，呢度控制個炒蛋控制得好好，好難得喺茶餐廳食到咁嘅質素。