Aroma Truffle (已結業)

黑松露一向都用喺意粉或者意大利飯，第一次見用喺薯片，好特別呀，所以忍唔買左番屋企食。打開袋好香黑松露味，薯片係少少厚身，好爽脆，見到面上有點點黑松露，入口以為無乜黑松露味，點知原來黑松露味係齒頰留香，之後飲幾杯水，都仲有黑松露味，好正吖。而且薯片唔會太油，而且因為黑松露，所以感覺健康。原味同蜜糖味都有呢個效果，蜜糖味仲會多左一份甜味，同黑松露好夾，完全唔會突兀。蜜糖味嘅卡路里比原味低啲啲，但係要注意糖嘅份量就較高。總括，兩隻味都好適合做煲劇小食，最岩呢排留在家中抗疫。