丸·茶手作 (葵涌廣場) (已結業)

葵廣珍珠奶茶好多間，但係好飲既真係唔多。之前聽過丸茶，成日見報紙電視有報導呢間何文田小店，難得葵芳開左所以即刻走去試。最近撞奶大熱，之前睇蘋果日報報導過全港三強有龍頭老xx，鹿xx, 同呢間，所以叫左杯黑糖珍珠撞奶黎試。$28蚊，講真價錢算係好公道，雖然好多人排隊但係出野飲速度都算好快，幾分鐘就拎到。講返杯野飲，虎紋不算明顯，但飲落個奶真係好香好滑，黑糖味剛剛好，珍珠暖暖地，真係好好味!!!!!!!!! 下次仲想試埋佢個桂花珍珠。