影片
更多
2020-01-26
153 瀏覽
支持良心珍珠奶店！🔻小黑糖珍珠鮮奶 $30聽講呢杯係鎮店之寶，一定要試試。整體黎講真係幾好飲，即使我唔係咁好奶都覺得唔錯！手工黑糖珍珠，果然落足黑糖，不過對啲唔係咁食到甜既人黎講，就會覺得甜左少少。因為珍珠甜度係固定，所以建議鮮奶可以半糖或者選擇三分，中和番個甜味比例。成杯既甜味主要來自珍珠，一啖鮮奶再加埋黑糖珍珠，真係天作之合。特別係凍飲會令珍珠變得更有嚼口，煙煙韌韌咁樣，好好咬！.🔻紫薯於你珍珠 $32呢杯個名好得意，讀咩啲就係「只屬於你珍珠」，而且賣相都好靚好吸引。紫薯味都幾香，不過就唔夠黑糖鮮奶咁幼滑。今次嗌左凍飲，飲到小小未係完全溶哂既紫薯粉，質地都比較結身啲。紫薯既甜味加珍珠既甜，就覺得甜左小小，亦有飽肚感。建議下次飲三分糖都可以。如果係熱飲土應該會溶得更好更加滑，冬天可以試下熱飲！.🔻伯爵珍珠奶茶（熱） $26奶茶好多時都會太淡茶味，但呢杯伯爵茶味好濃好香，茶味比奶茶突出。原價係$22，加左4蚊珍珠就$26。熱飲黎講個黑糖珍珠就軟啲，無凍飲咁有嚼口，但都依然係好好食既。由於呢杯係茶，黑糖珍珠既甜味令伯爵茶略帶一點甜，更加好飲。冬天飲番杯熱野都好暖胃！呢杯就唔會覺得個珍珠太
🔻小黑糖珍珠鮮奶 $30
聽講呢杯係鎮店之寶，一定要試試。整體黎講真係幾好飲，即使我唔係咁好奶都覺得唔錯！手工黑糖珍珠，果然落足黑糖，不過對啲唔係咁食到甜既人黎講，就會覺得甜左少少。因為珍珠甜度係固定，所以建議鮮奶可以半糖或者選擇三分，中和番個甜味比例。成杯既甜味主要來自珍珠，一啖鮮奶再加埋黑糖珍珠，真係天作之合。特別係凍飲會令珍珠變得更有嚼口，煙煙韌韌咁樣，好好咬！
.
🔻紫薯於你珍珠 $32
呢杯個名好得意，讀咩啲就係「只屬於你珍珠」，而且賣相都好靚好吸引。紫薯味都幾香，不過就唔夠黑糖鮮奶咁幼滑。今次嗌左凍飲，飲到小小未係完全溶哂既紫薯粉，質地都比較結身啲。紫薯既甜味加珍珠既甜，就覺得甜左小小，亦有飽肚感。建議下次飲三分糖都可以。如果係熱飲土應該會溶得更好更加滑，冬天可以試下熱飲！
.
🔻伯爵珍珠奶茶（熱） $26
奶茶好多時都會太淡茶味，但呢杯伯爵茶味好濃好香，茶味比奶茶突出。原價係$22，加左4蚊珍珠就$26。熱飲黎講個黑糖珍珠就軟啲，無凍飲咁有嚼口，但都依然係好好食既。由於呢杯係茶，黑糖珍珠既甜味令伯爵茶略帶一點甜，更加好飲。冬天飲番杯熱野都好暖胃！呢杯就唔會覺得個珍珠太甜，岩岩好。個人最喜歡就係呢一杯！
張貼
