影片
更多
2023-02-22
157 瀏覽
一間喺銅鑼灣新開嘅麵包舖，主打新式口味嘅傳統港式麵包✨例如抹茶、伯爵茶、黑芝麻味嘅菠蘿包，紫薯雞尾包🍠等另外仲有人人都喜愛嘅bagel🥯肯定係平日我睇得太多麵包post，社交平台 explore推介咗giveaway post俾我😂有幸成為300個幸運兒之一，可以免費試兩款麵包🫶🏻先多謝hashtag b佢哋以健康為宗旨，主張少鹽少糖、無添加防腐劑或人造色素，全天然材料！聽到都覺得開心，可以盡情享用傳統港式麵包～本身想試洛神花菠蘿包，可惜可能賣晒定今日冇供應，嚟到得返原味、抹茶同黑芝麻味▶️ 黑芝麻菠蘿包 ($15)係佢哋推介同人氣之選🖤手板size，望落圓轆轆脹卜卜👅大概75g重，摸上手冇一般菠蘿包咁油冇特登焗熱，但菠蘿皮超脆卜卜好似曲奇咁😋菠蘿皮亦相對唔易散或者「皮肉分離」，唯獨是覺得佢都仲係甜咗啲🤏🏻麵包加入咗唔少芝麻粉，聞落有黑芝麻香味👃🏻可惜食落唔重黑芝麻味麵包質感亦未至於煙韌嗰隻，微微空氣感，比較失色▶️ 黑糖卷 ($16)軟身麵包但捲到好似牛角包咁如果大家鍾意可以另外加$2買牛油忌廉(butter cream)搽用上瑞典粗裸麥粉同美國黑糖蜜，上面放咗幾粒麥片做裝飾一個大概65
例如抹茶、伯爵茶、黑芝麻味嘅菠蘿包，紫薯雞尾包🍠等
另外仲有人人都喜愛嘅bagel🥯
肯定係平日我睇得太多麵包post，社交平台 explore推介咗giveaway post俾我😂有幸成為300個幸運兒之一，可以免費試兩款麵包🫶🏻先多謝hashtag b
佢哋以健康為宗旨，主張少鹽少糖、無添加防腐劑或人造色素，全天然材料！
聽到都覺得開心，可以盡情享用傳統港式麵包～
本身想試洛神花菠蘿包，可惜可能賣晒定今日冇供應，嚟到得返原味、抹茶同黑芝麻味
▶️ 黑芝麻菠蘿包 ($15)
係佢哋推介同人氣之選🖤
手板size，望落圓轆轆脹卜卜👅大概75g重，摸上手冇一般菠蘿包咁油
冇特登焗熱，但菠蘿皮超脆卜卜好似曲奇咁😋菠蘿皮亦相對唔易散或者「皮肉分離」，唯獨是覺得佢都仲係甜咗啲🤏🏻
黑芝麻菠蘿包
$15
47 瀏覽
0 讚好
0 留言
麵包加入咗唔少芝麻粉，聞落有黑芝麻香味👃🏻可惜食落唔重黑芝麻味
麵包質感亦未至於煙韌嗰隻，微微空氣感，比較失色
▶️ 黑糖卷 ($16)
軟身麵包但捲到好似牛角包咁
如果大家鍾意可以另外加$2買牛油忌廉(butter cream)搽
用上瑞典粗裸麥粉同美國黑糖蜜，上面放咗幾粒麥片做裝飾
一個大概65g重
黑糖卷
$16
18 瀏覽
0 讚好
0 留言
味道食落似冇提子乾嘅提子麵包，食落唔太甜，帶有黑糖少少苦味
不過同樣，問題在於麵包質感唔夠煙韌軟熟…偏向空氣同粗糙
同我想像中有出入😬一開始以為會好似outb_ck免費嘅黑糖麵包咁好食(有啲掛住～)
-
將新式元素混入傳統麵包確實好有新意，會有種吸引力令人好好奇佢咩味走去試，可惜麵包本身口感上做得唔夠軟熟煙靭😢有啲失望
唯一值得欣賞係佢個菠蘿包皮做得好食、脆口唔油膩
包裝上只係用透明膠袋裝住，比較容易壓扁(尤其菠蘿包皮咁易散開)，成程拎返屋企都小心翼翼
店內環境幾靚，感覺簡潔乾淨
服務員態度都幾好，唔介意你慢慢揀
價錢相對上少貴，雖然用上靚材料同健康啲，但個人覺得唔值呢個價錢😅
張貼
