暖心芝作

營業中

休息中

呢間小店啲黑芝麻產品好出名，我就係嚟食黑芝麻軟雪糕。去到門口，見到條約十多人嘅人龍，原來係排隊買芝麻卷（每日12點至19點，每小時得25盒，每人限購一盒）。睇吓時間，差幾分鐘就18點，數數條隊嘅人頭，唔夠廿個，即刻排隊。黑芝麻軟雪糕（$28）第一啖咬落去，嘩，不得了，有驚喜。黑芝麻味超濃，好似食緊一碗勁香勁濃味嘅芝麻糊。因為軟雪糕上唧咗一圈嘅黑芝麻醬，所以將濃度再提升。軟雪糕又濃又香又滑，配埋脆口嘅雪糕筒，好耐未食過咁高質素嘅軟雪糕。十級推薦。黑芝麻菲林卷（$25）一盒六小條，表面洒上少許白芝麻。入口時仍然微溫，咬落好有彈性，口感軟滑，芝麻味濃，甜度適中，味道不錯。