世華餐廳 (已結業)

唔知我讀得書少還是我聽覺有問題,今日同女朋友去左呢間餐廳食扒俾個侍應哥哥問我地份餐想要乜野汁既時侯,得到既答案係「黑蒜蔥叉燒,你想要乜野?」。我地兩個人完全O哂嘴,我見侍應哥哥冇打算解釋到底乜野係黑蒜蔥叉燒,我惟有不恥下問。結果換來既答案係「哦,乜你唔知我講乜咩?我簡左幾隻字啫」。聽到呢句我終於醒覺,原來係黑椒,洋蔥,蒜蓉汁。正當我問是否有「叉燒」一汁時, 侍應哥哥就話「唔係叉燒呀,係沙嗲同埋燒汁」。如果咁多位有邊位聽過「黑蒜蔥沙燒」既話請話俾我聽,睇怕我都係時候去接受再培訓去補下我d中文。