Black Coffee

營業中

休息中

嚟到Black Coffee好開心，因為有好多無奶咖啡選揀，又有百利酒咖啡，有啲想試，但基於甜品又太吸引，要平衡番個甜度，唯有下次先試。🍹Dirty 杯凍，有飲到咖啡和奶的分層，唔錯。🍹Blackccino 有層綿滑泡泡，有啲似Shakerato，配甜品啱晒。🍝自家製忌廉磨菇貓耳朵意粉配慢煮口水雞扒配搭新鮮，雞皮少少脆，忌廉磨菇中和到口水雞扒嘅辣，貓耳朵意粉軟硬適中，不錯。🍝自家製煙燻豬腩配黑啤意大利飯 相對貓耳朵意粉細碟，意大利飯心少少硬，有咬口，每啖飯充滿香濃黑啤味🤤。兩大塊豬腩，配上青蘋果粒粒，好青爽，解膩👍🏻。🍰髒髒提拉米蘇好耐冇食提拉米蘇，見係髒髒版想試下，果然係好sweet嘅甜品😆，酒香濃會更好。🧇黑芝麻醬窩夫配香草雪糕好香濃嘅黑芝麻醬，不論窩夫本身定黑芝麻cream都勁濃郁，有香草籽嘅香草雪糕好滑，食晒勁飽。