力寶軒

營業中

休息中

琴日同屋企人去咗飲茶，今次試咗幾味新嘢。翡翠帶子餃真係驚喜！個餃皮靚綠色，用上新鮮菜苗打成餃皮，夠晒健康。入面嘅帶子新鮮彈牙，個size都唔細，配埋啲蝦膠，正。蘿蔔糕外皮煎到金黃香脆，而蟹粉小籠包一啖入口湯汁四溢！個餡料有夠多蟹粉，香濃鮮甜，皮薄但唔會好易爛。蒸蝦餃皇都係水準之作，皮夠薄透明，裡面隻蝦夠爽彈，肉質結實新鮮。沙律明蝦角外皮酥脆，裡面嘅蝦餡夠新鮮，配埋個沙律醬。壓軸嘅鵝片撈麵都值得一讚，啲麵彈牙爽滑。鵝片肥瘦適中。呢度食物質素真係唔錯，啲嘢全部新鮮熱辣辣，賣相靚仲要夠晒誠意。難得見到啲傳統點心整得咁出色，真係值得推介畀啲鍾意飲茶嘅朋友！