鳳城1954 (MegaBox)

營業中

休息中

由於Megabox嘅位置問題，我都比較少去呢度飲茶，所以都有一段時間冇嚟鳳城，但呢度嘅點心的確唔錯。呢度嘅點心精緻，出面又真係唔多食到。見到有蝦多士，縱使唔係好想食熱氣嘢，都忍唔住叫嚟食，果然冇令人失望，炸得好香脆好好味。而紅寶石素餃嘅餡料雖然只係一般素餃，味道冇乜特別，但外型就做到好似番茄咁，好靚，即時增加咗食慾。至於鳳城水餃係能夠保持一貫水準，炒飯亦都炒得唔錯，夠乾身，除咗有叉燒粒同蝦仁，亦有番茄粒，減少咗炒飯本身嘅飽滯感。整體令人滿意嘅一餐。