龍庭華宴 (已結業)

因為要清假，所以約朋友飲下午茶。本來想去同區嗰間任食點心嘅，不過時間唔太啱(中午第二輪1:30-3:00)，所以就揾咗呢間試。大約2:10到酒樓，下午茶啱啱開始，目測七八成枱都有人坐。知客安排我哋兩個搭枱，不過要搭嗰張枱喺通道旁，人來人往，而且係搭去一張4人枱(心理上搭去6人枱會好啲)。因為唔係好想坐嗰張枱，所以要求某侍應幫我哋轉枱，佢回咗一句：「個個都係咁坐㗎喇！」擾攘咗一陣，先有個疑似經理/部長幫我哋安排我倆去張6人枱度搭另外兩個人坐。兩個人總共叫咗6個點心1個甜品。灌湯餃調味係足夠嘅，但好少餡。魚片河ok，無咩特別。煎韮菜餃就得好少韮菜，其餘就係鯪魚肉，唔夠香口。蝦餃、素翅餃同生煎包就正常水準。反而個甜品蛋白燉鮮奶就唔錯，好滑。