豪隍點心工房

營業中

休息中

蝦餃皇同燒賣皇都係兩粒一籠大大粒，價錢一樣都係$27，兩樣都好足料，蝦餃勁多蝦，燒賣嘅蝦同埋舊肉都好鮮味。雖然唔係apple to apple不過我都係覺得蝦餃皇抵食啲。山竹牛肉用嘅牛肉質素唔錯，都算係幾新鮮，食落去覺得應該無用梳打粉醃過，落喼汁超正。鵝肝醬咸水角其實食唔出鵝肝醬嘅味，不過都好食，勝在熱辣辣而且又唔會油淋淋。叉燒腸都好好食，腸粉皮爽滑，入面係原粒叉燒而唔係叉燒醬加肉碎，材料選用算係講究。