一哥點故 (已結業)

日頭冇咩時間去飲茶，唯有夜晚放工約朋友食點心都差不多，外面店舖的點心種類都有好多選擇。草莓桂花糕，夠煙韌又不會太甜。春風得意腸腸粉皮薄又煙韌，內里包住蝦和蟹籽幾特別幾美味。千島醬脆皮蘿蔔糕，用一層炸皮包住來炸幾特別，又香口蘿蔔糕軟熟配埋千島醬幾入味。黑松露蝦餃，蝦餃皮薄又有黑松露混合落蝦肉中，啖啖黑松露香味。椰香黃金糕，好少飲茶仲有黃金糕，難得呢間有黃金糕好煙韌又軟熟，又不會太甜。流沙包輕輕一按流沙餡即流出來，奶皇餡好香包又軟。蟲草花上湯牛肉球，湯好鮮甜仲有牛肉球。懷舊糯米雞，糯米軟熟又好足料美味可口。