煌苑

營業中

休息中

好耐冇去石門飲茶食粥，呢間下午茶啲孖寶係抵食。雖然呢間唔係出名食粥，但係心癮到都嗌一碗試吓啦。係有啲失望嘅，不過其他嘢挽回返唔少分數。尤其是嗰個特價灌湯餃真係好足料， 十幾蚊一碗絕對係超值。虎皮尖椒都夠辣，但係啲魚肉就薄咗少少，口感爭啲。雖然下午茶都會嗌吓炒粉麵，乾炒牛河都幾夠鑊氣，牛肉都好多又唔韌又夠厚。另外個陳村粉同埋個叉燒腸都好滑，抵唔住頸都係清晒佢。最後食返黑椰汁紅豆糕，清一清個味蕾，又唔會太甜。另外，呢度啲乳鴿好食，但就比之前貴咗啲，所以就冇嗌啦。