蓮香居 (已結業)

稱得上舊式茶樓，一定要有點心車推下推下先至合資格，不過一來土地問題，二來唔想D客人坐咁耐，所以基本上都已經好少有推點心車的酒樓可以搵得到了，不過呢一間仍然有，真係要好好珍惜。二樓唔洗加一，所以通常都多D人，為了唔想等咁耐位，決定上3樓，不過都要等15分鐘左右先有位。其實都好鍾意食蝦餃，所以見到一定叫啦，味道唔錯，正正常常咁啦。淮山雞扎真係好耐無見過，其實味道屬於一般，不過勝在懷舊下。芋角又係唔多地方食得到，就算食到，都係唔夠熱，呢度一出機乎即刻比人搶晒，所以喺度食點心真係要眼明手快，耳聽八方。焗西米布甸又係一絕，晚飯去就大大盤，午市飲茶就有迷你版，好味。蛋撻仔比想像中好味，新鮮熱辣。