影片
更多
2017-11-12
42 瀏覽
我屋企冇人煮飯，所以成日周圍食，亦好中意寫食評分享自己去過既餐廳。無論食物質素如何，我都好少寫負評，唯獨係服務奇差既店鋪，我先會下定決心寫個事實出黎。門口有張紙寫住星期日2pm開門，我地3點去到喺門外望入去，店內得兩個正低頭食野既年輕店員。我開頭探頭問：請問開左門未？其一店員頭也不回地答：開左。我覺得難以置信，以為自己聽錯，但都行左入去。佢地兩個依然繼續食野，亦開始傾偈，而我同我個friend就被迫聽佢地「有個好cap既同學出左pool」、「勁肚餓囉」等既話題。我覺得人要食飯好正常，但你兩點開門而三點仲喺度慢慢一邊傾一邊食，完全唔係正常人番工既做法喇掛！算。我地翻開menu，都算好多選擇：同時我又留意到牆上既黑板寫住全新白桃味雪糕，所以就想落單叫白桃味雪糕、香蕉船同「魔鬼天使」。落單時，坐喺原位既侍應居然回應我：「我唔識整香蕉船咼。」再轉向佢同事問：「你識唔識消毒個雪糕機？」然後兩個喺度話唔識，再一齊好開心咁笑。我當下真係呆左。你唔識整你餐牌上既甜品你番工做乜？你唔消毒部機仲要話比客人知係咩玩法？接下來既半個鐘就精彩喇。我地望住佢地打比某同事問部機點洗、啲野擺邊、噴消毒劑等等。期間有講
門口有張紙寫住星期日2pm開門，我地3點去到喺門外望入去，店內得兩個正低頭食野既年輕店員。
我開頭探頭問：請問開左門未？
其一店員頭也不回地答：開左。
我覺得難以置信，以為自己聽錯，但都行左入去。佢地兩個依然繼續食野，亦開始傾偈，而我同我個friend就被迫聽佢地「有個好cap既同學出左pool」、「勁肚餓囉」等既話題。我覺得人要食飯好正常，但你兩點開門而三點仲喺度慢慢一邊傾一邊食，完全唔係正常人番工既做法喇掛！
算。我地翻開menu，都算好多選擇：
同時我又留意到牆上既黑板寫住全新白桃味雪糕，所以就想落單叫白桃味雪糕、香蕉船同「魔鬼天使」。
落單時，坐喺原位既侍應居然回應我：「我唔識整香蕉船咼。」再轉向佢同事問：「你識唔識消毒個雪糕機？」然後兩個喺度話唔識，再一齊好開心咁笑。
我當下真係呆左。你唔識整你餐牌上既甜品你番工做乜？你唔消毒部機仲要話比客人知係咩玩法？
接下來既半個鐘就精彩喇。我地望住佢地打比某同事問部機點洗、啲野擺邊、噴消毒劑等等。期間有講有笑，又會行下埋位食下個飯咁，唯獨冇做就係招呼客人。
其餘服務問題已唔想詳列，因為佢地真係離哂譜。
最後，我地食左魔鬼天使、朱古力心太軟同木瓜奶。
魔鬼天使($48)
魔鬼天使
$48
4 瀏覽
0 讚好
0 留言
所謂魔鬼天使就係軟雪糕加啲朱古力波、朱古力片等，睇好過食。等佢搞掂部雪糕機等左45分鐘，但整出黎以為食緊froyo，一啲都唔軟滑。
朱古力心太軟($46)
朱古力心太軟配曲奇雪糕
$46
4 瀏覽
0 讚好
0 留言
個心太軟切開冇流心朱古力漿流出黎，完全係一舊brownie。舊雪糕唔係佢地整，所以冇野comment。
最後呢杯木瓜奶，其實係等佢地整啲機器/材料期間叫既。
木瓜奶
9 瀏覽
0 讚好
0 留言
木瓜奶
3 瀏覽
0 讚好
0 留言
已經係3樣野裡面最好既一樣，起碼木瓜新鮮，飲落夠rich唔會過甜。
總括而言，一間餐廳啲野唔好食唔會令我咁嬲，但啲服務如斯不知所謂就絕對令我卻步。以後唔會再去！
張貼
