鼎泰豐

營業中

休息中

星期六放假同老公👫去咗銅鑼灣買嘢👜行到去怡和街附近望到一間好耐未去過嘅上海餐館鼎泰豐， 我哋兩個見到就即刻講不如去鼎泰豐食嘢囉，因為我地係好耐都黎過了，對上嗰次應該係三四年前在台灣 101 的鼎泰豐店，銅鑼灣呢間我地入到商場地下見到都好多人排緊隊等緊位，咁我哋就攞飛喺度傾下偈等咗15分鐘左右，都好快就安排咗座位畀我哋兩個入去，入到去呢間鼎泰豐都真係好大間，服務唔錯👍我哋點咗蒜泥白肉 🥩、牛肉🐂麵、乾蔥拌麵， 同埋當然有最出名嘅小籠包啦， 呢度個醋嘅顏色比起平時食的醋特別係淺色，唔係好酸淡淡地幾特別，等咗一陣所有嘢都好快就嚟到喇 ，先食咗個蒜泥白肉好香蒜味肉好清爽豉油唔會太鹹都係好味嘅😋，跟住就係小籠包小籠包裏面有湯汁，食落真係好好味😋個皮厚薄適中，食落去啲肉爽爽，有口感雖然好耐冇食，但係都仍然記得呢個鼎泰豐嘅小籠包真係最好食㗎，跟住蔥油拌麵好香乾蔥味麵身爽口乾水一啲水都冇係我今餐最鍾意食😋。牛肉麵都啱啱好唔會太淋個麵爽口份量足夠，原本諗住想點甜品但食完曬之後真係好飽，最終都無點😅。咁耐無黎真心好味下次經過都會再黎。