流水蝦

營業中

休息中

好多新鮮生猛蝦，望到已經好想食，水缸就係座位隔離非常方便，夾起左既蝦先放入冰水等隻蝦暈左，再放上爐燒，咁樣d蝦冇咁掙扎周圍彈，隻隻蝦身型都好飽滿，而且仲有爆滿蝦籽，蝦頭亦有好多膏。坐低無耐，店員會送上一艘海鮮船和優質牛肉，鮑魚大隻飽滿，爽口彈牙，加左生蒜更加惹味，至於扇貝雖然熟左會收縮變細，但一d都唔乾身，只需加少少調味已經好足夠，牛肉方面肉和油脂分佈比例都幾平均，入口有油脂既香味同時保留到牛味。另外仲有其他款式種類，都係自助形式去拎，覺得幾特別既係居然有雞軟骨，口感”索索”聲，而且醃得夠入味，我幾鐘意雞腎厚切，因為食落咁先有口感，不過雞腎中心店比較難燒熟，要燒耐少少，食燒物點少得燒菠蘿，外層焦脆，內裏清甜多汁。炸物同樣係任拎，放在一個保溫櫃內，所以食落仍然帶有微熱溫度，一邊食住炸物一邊燒住等。