東方小祇園齋菜

營業中

休息中

由跑馬地坐巴巴到灣仔,路經灣仔道小祇園,正在狐疑自己是否路癡得如此緊要??定小祇園搬左呢???為求答案,直走軒尼詩道八一八。原來仍然健在,反正一場黎到,順便買d齋鹵味同端午節左近至有既蒝荽餅比大人同細佬食。齋鹵味($20)滿滿一盒,今次外表有d乾,望落唔太吸引;買齋時咖喱齋剛剛新鮮送到,以為係新鮮好野!點知食落唔入味;腐皮有d硬,其他酸齋、齋鴨等都不過不失,幸好齋鴨腎仍然好食;只可惜食完之後勁口乾,相信師傅份量唔輕。蒝荽餅質感軟軟,比尋日坤記所買既硬身質感有別;分別買左豆沙/蓮蓉各2個,打完前面2個食評之後,只剩下吉袋一個!根據家中2寶所言:食落有蔗糖味道;相信味道應該幾清甜......都係因為呢個吉袋至知道除軒尼詩道總店之外,灣仔道都有小祇園分店,日後可以試下呢間。