泰太廚房

營業中

休息中

喺大埔龍尾灘玩到好攰之後，就喺附近度搵間餐廳食平時都好鍾意食泰菜，呢一間個裝修都有啲復古嘅味道叫咗個酸辣深海沙律，馬拉盞炒通菜，同埋單骨雞翼 ,啱啱玩完水 ,唔想食到太飽同埋太多澱粉質飲品叫咗個椰青，同埋青檸茶酸辣深海沙律，個汁少少酸酸甜甜，算係中辣，有蝦同埋有魷魚，個汁好開胃。海鮮好彈牙，份量都唔少。馬拉盞炒通菜菜，份量非常之多，炒得好有鑊氣，唔會太鹹唔會太油，個菜都仲係好爽身。 炸單骨雞翼，炸得啱啱好，炸出嚟好香，配埋個酸甜醬椰青好甜，裏面嘅椰肉係好淋。青檸茶係類似蝶豆花嘅顏色，同埋有少少梳打感覺。 呢度坐得幾舒服！