蝦佬 (已結業)

我本身幾中意飲龍蝦湯，食親西式野有得叫實會叫碗飲下，今日經過外賣咗個龍蝦湯同個意粉，意粉味道還可以，但最驚喜係個龍蝦湯，價錢唔貴但味道十足，夠濃郁，比一般餐廳用料講究，值得再飲。位置嚟講唔算太難揾，不過可能因為舖頭唔算大，無咩位座，基本都要外賣拎走，不過d野食拎到返去食又唔會話變成點，其他原來同事都有食過，大家都覺得可以再食，期待會唔會有更多關於龍蝦產品推出，覺得可以主打龍蝦野食會更吸引，總體嚟講唔錯。