尚上下夏2.8 - 養生雞煲火鍋x冰室 (已結業)

今日去到灣仔附近搵好野食，心血來潮想食下雞煲，但係己經食過幾煲味道湯底都差唔多，想試下啲新啲嘅雞煲！經過朋友介紹之下認識咗呢一間”尚上下夏”火鍋2.8既雞煲火鍋冰室，位置喺灣仔譚臣道1號地下，地鐵站b1出口最近，喺巷仔最角尾位置！到時想去唔識可以問我❤️想講下今次呢個雞煲都幾有驚喜！同出面嗰啲有分別！第一呢度叫煲雞可以食雞髀同雞胸肉，全部都係肉都得唔一定要有雞骨！呢個真係好驚喜亦都未食過冇骨嘅雞煲真係第一次！另外雞煲都有幾個唔同嘅叫法，除咗雞胸雞髀肉，仲有麻辣雞煲辣度有幾級可以畀大家揀！我就揀一個比較bb既，因為唔係好食得辣！但係味道都係非常之好食！一個雞髀拼雞胸半份只係$188！直係食雞肉都可以食到半飽狀態哈哈！芫茜配上紫洋蔥再加上適當嘅調味、完全唔需要落配料已經可以食到好濃沃嘅極雞煲！配料再叫咗一個鵝腸、牛骨髓、皇帝菜、茼蒿、千葉冰豆腐鬼馬墨魚滑，同一個最特別嘅蝦膠釀鮮冬菇，全部配料配上特製龍蝦湯餚製！非常鮮香美味！火鍋當然要加罐加多寶涼茶，中和飽肚感同埋熱氣嘅感覺！