Cima Fine Dining Bar (已結業)

依間餐廳係位於一橦商業大廈內，一般人經過都好難發現。店內既環境相當唔錯，d櫈全部都係用皮做，好夠氣派，而且燈光好夠，係一個唔錯既談心地方。首先先食 Caprice Salad，依碟冷盤前菜係由三種唔同既蕃茄配以魚子醬製成。魚子醬好濃味，而且好有口感。配以salad醋同芝麻醬去帶出蕃茄既酸甜味，味道好fresh。Japanese Oyster Topped With Sea Urchin隻炸蠔好飽滿好大隻，好濃既蠔香。至於個炸粉唔太厚身，咸度適中，唔洗點醬都已經好夠味。Braise Boston Lobster 成碟菜好靚，d擺位好靚。估唔到龍蝦配海膽醬甘夾，雙倍鮮甜味。龍蝦啖啖肉，而且好鮮甜。個醬汁好特別，我食到有少少酒既味道，好濃郁既味道，好creamy既質感。味道真係相當唔錯！名符其實睇得又食得。Rednaxela Cocktail上面有d cream同糖霜，甜甜地，幾易入口。