影片
更多
2018-09-06
2549 瀏覽
現今的自助餐，愈來愈多不同既主題，當然有些是幾有睇頭幾吸引，但還原基本步，都是做龍蝦，或者阿拉斯加蟹等食材最穩陣。 金域假日酒店就係行呢一步，今期以滋味龍蝦為主題，由冷盤、前菜、熱葷與湯品，處處皆是龍蝦蹤影。 我去過好幾次這裡吃Buffet，食客大都是斯文人，唔會瘋癲咁搶呀搶，我覺得蠻好。你明啦...有些地方的自助餐，好些食客既搶食方式，不禁令人倒抽一口涼氣的。 每人會奉上一盅酥皮龍蝦湯，你可以飲完才出去攞嘢食，或者食得咁上下至喝這龍蝦湯，無人迫你，絕無取巧。酥皮做得幾好，龍蝦湯濃郁，材料好充足，喝得舒服。 日本長腳蟹、青口、凍蝦、瀨尿蝦等，當然仲有主角的凍龍蝦，全是受歡迎的項目。 即開生蠔，是美國產地，個子甚為巨大，以我今時今日既食力，兩隻收手。 前菜除了煙三文魚、辣肉腸和鴨胸等大路嘢之外，固然也有不少龍蝦選擇，如龍蝦芒果莎莎、龍蝦蟹肉蝦咯嗲、龍蝦牛油果沙律等，感覺清爽健康。 歎了一系列龍蝦菜色，又吃些刺身壽司和冷麵等間一間場。 之後，向熱食進發。中式熱食有蒸得滑溜的龍蝦蒸蛋，亦有惹味的薑蔥炒龍蝦，以及金不換炒龍蝦鉗，個人特別喜歡吃鉗，啖啖肉又鮮甜。至於西日式的，既有醒胃的龍蝦帶子大
現今的自助餐，愈來愈多不同既主題，當然有些是幾有睇頭幾吸引，但還原基本步，都是做龍蝦，或者阿拉斯加蟹等食材最穩陣。金域假日酒店就係行呢一步，今期以滋味龍蝦為主題，由冷盤、前菜、熱葷與湯品，處處皆是龍蝦蹤影。
我去過好幾次這裡吃Buffet，食客大都是斯文人，唔會瘋癲咁搶呀搶，我覺得蠻好。你明啦...有些地方的自助餐，好些食客既搶食方式，不禁令人倒抽一口涼氣的。
每人會奉上一盅酥皮龍蝦湯，你可以飲完才出去攞嘢食，或者食得咁上下至喝這龍蝦湯，無人迫你，絕無取巧。酥皮做得幾好，龍蝦湯濃郁，材料好充足，喝得舒服。
日本長腳蟹、青口、凍蝦、瀨尿蝦等，當然仲有主角的凍龍蝦，全是受歡迎的項目。
即開生蠔，是美國產地，個子甚為巨大，以我今時今日既食力，兩隻收手。
前菜除了煙三文魚、辣肉腸和鴨胸等大路嘢之外，固然也有不少龍蝦選擇，如龍蝦芒果莎莎、龍蝦蟹肉蝦咯嗲、龍蝦牛油果沙律等，感覺清爽健康。
歎了一系列龍蝦菜色，又吃些刺身壽司和冷麵等間一間場。
之後，向熱食進發。中式熱食有蒸得滑溜的龍蝦蒸蛋，亦有惹味的薑蔥炒龍蝦，以及金不換炒龍蝦鉗，個人特別喜歡吃鉗，啖啖肉又鮮甜。至於西日式的，既有醒胃的龍蝦帶子大板燒，與及香濃的龍蝦千層麵。
見佢有燒味，乳豬皮脆卜卜，拿了兩件點去慢慢品嚐。
無錯，呢度係有印籍師傅坐陣，所以這兒的印度食品，包括咖喱、燒雞及Naan等，均做得正宗。
甜品選擇頗豐富，單是蛋糕已有美式芝士餅、布朗尼、栗子蛋糕、拿破崙、貝殼蛋糕等等，甜品有另一個胃的朋友要留意。
歎過麵包布丁後，飲杯伯爵茶便停手，哈根大師雪糕我也吃不下了。
張貼
