包任你點

營業中

休息中

疫情關係老人家不想去酒樓飲茶，唯有約好兄弟姊妹回家和他們食，在包任你點買左一大堆點心帶去。這店賣的點心真是十分多，如果買兩碟，三碟又有優惠價，還有各款蒸飯和飲品供應，等於一間小酒樓，我見有很多人幫襯。鳳爪排骨飯，排骨係半肥瘦，口感淋滑，鳳爪大大隻，有少少醬汁混在一起，但飯就不夠乾身。山竹牛肉球，超大粒，雖有肉味，但筋位多，不時咬到硬粒影響口感。蟹籽燒賣皇，四大件，面層佈滿細細粒的蟹籽，豬肉內有絲絲香菇，整粒燒賣很結實，吃起來爽口。蠔皇鮮竹卷，腐皮包著厚實的豬肉餡，味道不太濃。四寶滑雞扎，兩大件，腐皮內包著雞肉一塊，火腿一件，豬皮一片，竽頭一條，雞肉嫩滑，豬皮也吸收了汁液的味道，但竽頭不夠淋。醬汁蒸排骨，和蒸飯用的排骨一樣，係半肥瘦腩排，有幾粒竽頭伴底，豉汁調校得好味，不太鹹。皮薄蝦蛟皇，三粒，造這點心獨立賣，沒有優惠。皮薄就不見得，但蝦肉確實很多，口感彈牙，不錯。馬拉糕，一大磚，鬆鬆軟軟，不太甜。整體來說，每樣點心都份量十足，價錢大眾化，味道不過不失。